有日雅媛無啦啦鍾意咗Jermery，然後婷姨有2張飛想叫雅媛一齊睇。
原本我同老婆諗住喺場外等散場接女，但其實我哋都想睇，咁啱Facebook 有人平放即買，不過分開坐。
然後，嫲嫲又買咗2張，同我表妹去睇。姑姐又有朋友帶入去睇。結果，全家人一齊去睇演唱會，不過分開坐，入場前影大合照。
雅媛聽到好多歌起咗唔夠五秒就講出歌名，重有全身著上Unicorn 衫，重有自製Jeremy牌，名符其實係Unicorn。
Jeremy 真係好努力，我一直都好欣賞佢，舞台表現很穩定，見到佢可以開個唱我都好替佢開心。
