視察音樂會場地

疫情後，我同好多音樂朋友都發現，政府的音樂場地都好難book。曾經我都喺上環文娛中心演講廳搞過幾年師生音樂會，不過今年嘅申請已糾纏幾個月，實在不想再自尋煩惱，所以決定租用多年朋友嘅音樂中心大房搞音樂會。

雖然座位不多，但細場有細場嘅好處，表演者可近距離接觸觀眾，而且私人場地安排也較彈性，加上我同中心負責人多年同學關係，程序都好順利。

雖然呢個地方對我嚟講唔陌生，不過今次再上去視察場地係為咗音樂會，所以有唔同諗法。

音樂會12月中，希望一切順利。