今年中秋去咗油麻地YMCA城景國際地下間餐廳食中秋飯，對上一次係2018年食過。
我晏晝喺琴行教完學生後，提早離開，前往YMCA。媛子喺附近上日文班到6:15，工人姐姐Daisy接放學後直接來YMCA，當時我、媽媽、妹同妹夫都已經坐低叫嘢食。
今晚有Anson Lo 同Keung To 月餅食，我妹買。
呢度嘅套餐質素唔錯，係隻蟹難搞少少要顧客全隻自己拆。小食拼盤、脆皮豬手、炸蝦餅、燒鰽魚、魚肚羹都十分美味。值得推介。
最估唔到係甜品拼盤其中之一有榴槤班戟，雖然不是真果肉，但忌廉味道好接近熟的榴槤。
