表伯嘅Ｂ女

我表哥做咗爸爸喇！

我哋準備咗差唔多一個月，終於喺約定日子去探表伯嘅B女。

點解要準備? 因為我哋要集合媛子以前用過嘅玩具、書同埋衫仔，加上Pack好之前，媛子又要玩埋最後一次Ｄ玩具，所以都搞好多日。

今日有一大一小紅白藍袋，同埋一個木製兒童廚房玩具。我哋call van 將呢堆物資轉移到表伯家。

B女2個月大好可愛，媛子好期待同BB玩。雖然B女得2個月大，媛子唔識抱，只能望吓掂吓手仔，不過佢都好開心。

半個月後百日宴又會見，媛子又係好期待。不過聽日正式返小一，今晚早D瞓啦！