重拾咖啡的興趣

我其實一直都鍾意咖啡，廿年前後生果陣打工，同同事食飯都會叫咖啡飲。不過日子耐咗，發現飲親咖啡後好易手震，身體都感覺不舒服，慢慢迫自己戒了。

戒咖啡多年，有時聞到好香嘅咖啡味，都會索多幾吓。

直至近年，我開始識得養生、調理身體後，發現咖啡本身沒有問題，問題是我當年的身體愈來愈差，主要原因都係全職打工還有兼職教琴，重有兼讀學位。

調理好身體後，終於可以飲返咖啡，無手震，無唔舒服，只有醒神。不過，只限精品咖啡。

Halfway Coffee係我經常去嘅cafe。