月頭我哋去探阡阡BB，今晚百日宴又見喇！
媛子好期待，因為佢好鍾意BB。
今日星期五，媛子要返學。3:00放學，工人告知接放學後回家遇上壞𨋢（事後知道是例檢），又要行上9層樓梯。我哋住嘅係單幢舊樓，得一部𨋢，一停𨋢就要行樓梯。
然後4:15媛子要去學日文，是暑期班後的延續課程第一堂。媛子好鍾意學，所以我哋都放心比佢學。
不過今日係首次返完全日學之後再返日文，我同老婆都驚佢好攰。結果，工人告知日文班中途小息時，媛子喊，應該攰。然後我早點離開琴行，買咗兩個包去接放學，再帶佢去百日宴。
好彩媛子主要都係好肚餓，放日文班後，一路行一路食包，心情又好返，因為佢知道要去睇探BB。
搭地鐵到石門京瑞，媛子至懂性以來第一次去酒樓出席宴會，覺得好開心。
無論任何一個人，識唔識都好，總之佢係抱住BB，媛子都行去睇佢同摸手仔。
因為阡阡BB真係好得意嘅，又唔喊又唔扭計，任抱，任何人都開心。
老婆做完嘢之後都有嚟。可能經過了幾年疫情，好多人都好享受宴會，今晚所有人都好盡興。B仔都不負所望，好乖。
